[VIDEO] სანდრო მამუკელაშვილის ორმაგი დუბლი გოლდენ სტეიტთან

გუშინ ღამით NBA-ის მორიგი შეხვედრა გაიმართა სან ანტონიოში, სადაც ადგილობრივმა სპურსმა გოლდენ სტეიტ უორიორს უმასპინძლა. Frist Banck Center-ს არენაზე შეკრებილმა მაყურებელმა საკმაოდ სანახაობრივი დაპირისპირება იხილა, სადაც გამარჯვება სტუმარ გუნდს დარჩა, 106-148.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე 25:04 წუთი გაატარა. ამ დროში 25 წლის ცენტრმა ძალიან კარგი სტატისტიკა შემოგვთავაზა და ორმაგი დუბლიც შეასრულა: 14 ქულა, 11 მოხსნა, 4 შედეგიანი პასი.

პარკეტზე საუკეთესო გოლდენ სტეიტის მოთამაშე ბრენდინ პოძიემსკი იყო, რომელმაც 27 ქულა ჩააგდო, 6 მოხსნა შეასრულა და 5 შედეგიანი პასითაც გამოირჩა.

მამუკელაშვილის გუნდი მომდევნო ტურში გოგა ბითაძის ორლანდო მეჯიქს დაუპირისპირდება. მატჩი 2 აპრილს, თბილისის დროით 04:00 საათზე დაიწყება.

იხილეთ გუშინდელი მატჩის მიმოხილვა