[VIDEO] სანდრო მამუკელაშვილის ორმაგი დუბლი კლივლენდ კავალიერსთან

გუშინ ღამით NBA-ის პლეი-ოფის კიდევ ერთი შეხვედრა გაიმართა კლივლენდში, სადაც ადგილობრივმა კავალიერსმა ტორონტო რეპტორსს სერიის მეორე მატჩში უმასპინძლა. როკეტ არენაზე შეკრებილმა მაყურებელმა საკმაოდ დაძაბული და სანახაობრივი დაპირისპირება იხილა, სადაც გამარჯვება მასპინძელ გუნდს დარჩა, 115-105. კავალიერსი ამ გამარჯვების შემდეგ სერიაში კიდევ უფრო დაწინაურდა (2-0) და მომდევნო ეტაპს მიუახლოვდა.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე 20:31 წუთი გაატარა. ამ დროში 26 წლის მოთამაშემ ორმაგი დუბლი შეასრულა: 12 ქულა, 10 მოხსნა, 2 პასი, 1 ჩაჭრა.

სერიის მესამე მატჩი უკვე ტორონტოში გაიმართება. შეხვედრა 24 აპრილს, თბილისის დროით 04:00 საათზე დაიწყება.

მატჩის მიმოხილვა