[VIDEO] სანდრო მამუკელაშვილის ტოპ პერფორმანსი და ტორონტოს მორიგი გამარჯვება

გუშინ ღამით NBA-ის კიდევ ერთი შეხვედრა მილუოკში გაიმართა, სადაც ადგილობრივი ბაქსი ტორონტო რეპტორსს დაუპირისპირდა. ფისერვ ფორუმ არენაზე შეკრებილმა მაყურებელმა საკმაოდ დაძაბული და სანახაობრივი მატჩი იხილა, სადაც გამარჯვება სტუმარ გუნდს დარჩა, 105-111.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმა, რომელმაც პარკეტზე 36:25 წუთი გაატარა. ამ დროში 26 წლის მოთამაშემ ტოპ პერფორმანსი შემოგვთავაზა: 18 ქულა, 7 მოხსნა, 2 პასი, 1 ჩაჭრა.

პარკეტზე საუკეთესო ტორონტოს მოთამაშე ბრენდონ ინგრამი იყო, რომელმაც 29 ქულა ჩააგდო, 8 მოხსნა შეასრულა და 3 შედეგიანი პასითაც გამოირჩა.

სანდრო მამუკელაშვილის გუნდი მომდევნო ტურში ბოსტონ სელტიკს დაუპირისპირდება. მატჩი 21 დეკემბერს, თბილისის დროით 04:00 საათზე დაიწყება.

მილუოკი ბაქსი - ტორონტო რეპტორსის მატჩის მიმოხილვა