![[VIDEO] სანდრო მამუკელაშვილს ვერ აჩერებენ — ქართველის მორიგი ტოპ მატჩი](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FR1SQFyaKY26OawCTNcaarFAX1nzx5Kpt.webp&w=3840&q=75)
გუშინ ღამით NBA-ის კიდევ ერთი შეხვედრა საკრამენტოში გაიმართა, სადაც ადგილობრივი კინგსი ტორონტო რეპტორსს დაუპირისპირდა. გოლდენ 1 ცენტრში შეკრებილმა მაყურებელმა საკმაოდ დაძაბული და სანახაობრივი მატჩი იხილა, სადაც გამარჯვება სტუმარ გუნდს დარჩა, 109-122.
მატჩში მონაწილეობა მიიღო ქართველმა კალათბურთელმა სანდრო მამუკელაშვილმა, რომელმაც პარკეტზე 32:20 წუთი გაატარა. ამ დროში 26 წლის მოთამაშემ მორიგი ტოპ პერფორმანსი შემოგვთავაზა და საკუთარ გუნდს კიდევ ერთხელ ულიდერა: 22 ქულა, 9 მოხსნა, 4 პასი!
ტორონტო რეპტორსის საოცარი სვლა გრძელდება — დარკო რაიაკოვიჩის გუნდი აღმოსავლეთ კონფერენციაში მე-4 პოზიციას იკავებს.
სანდრო მამუკელაშვილის გუნდი მომდევნო ტურში პორტლენტ ტრეილ ბლეიზერსს დაუპირისპირდება. მატჩი 24 იანვარს, თბილისის დროით 07:00 საათზე დაიწყება.
საკრამენტო კინგსი - ტორონტო რეპტორსის მატჩის მიმოხილვა
