[VIDEO] ტორონტოს მორიგი გამარჯვება — მამუკელაშვილმა საკუთარ გუნდს კიდევ ერთხელ ულიდერა

გუშინ ღამით NBA-ის კიდევ ერთი შეხვედრა ტორონტოში გაიმართა, სადაც ადგილობრივმა რეპტორსმა იუტა ჯაზს უმასპინძლა. სქოტიაბანკ არენაზე შეკრებილმა მაყურებელმა საკმაოდ დაძაბული და სანახაობრივი მატჩი იხილა, სადაც გამარჯვება მასპინძელ გუნდს დარჩა, 107-100.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმა, რომელმაც პარკეტზე 30:21 წუთი გაატარა. ამ დროში 26 წლის მოთამაშემ მორიგი ტოპ პერფორმანსი შემოგვთავაზა და საკუთარ გუნდს კიდევ ერთხელ ულიდერა - 22 ქულა, 6 მოხსნა.

ტორონტომ 2-მატჩიანი წაგებათა სერია დაასრულა და დღევანდელი გამარჯვების შემდეგ ცხრილში დაწინაურდა და მე-5 პოზიციამდე აღზევდა.

სანდრო მამუკელაშვილის გუნდი მომდევნო ტურში მინესოტა ტიმბერვულვზს დაუპირისპირდება. მატჩი 5 თებერვალს, თბილისის დროით 04:30 საათზე დაიწყება.

ტორონტო რეპტორსი - იუტა ჯაზის მატჩის მიმოხილვა