"წითლების" ყოფილი მწვრთნელის შემდეგი გაჩერება ჯერჯერობით უცნობია, რადგან ის მინიმუმ ერთწლიანი შვებულების აღებას გეგმავს. როდის დაბრუნდება 56 წლის ტაქტიკოსი დიდ ფეხბურთში, არავინ იცის და სად იქნება ამ დროს ესპანელი სპეციალისტი, ესეც უცნობია, აქედან გამომდინარე, არაა გამორიცხული, რომ მათ შორის მარტში გამართული მატჩი მართლაც ბოლო ყოფილიყო.
მათი დაპირისპირება თანამედროვე ფეხბურთის კლასიკაა. კლოპი რომ არა, "ქალაქელები" პრემიერ ლიგაში უალტერნატივოები იქნებოდნენ - ერთადერთი გუნდი, რომელიც მათ ღირსეულ კონკურენციას უწევდა სწორედ სქაუზერები იყვნენ. ვინ არის "ლურჯების" სპეციალისტსა და გერმანელ ტაქტიკოსს შორის საუკეთესო? სუბიექტური საკითხია.
მათი სამწვრთნელო მეთოდები და განვლილი გზა ერთმანეთისგან საკმაოდ განსხვავებულია. 53 წლის მწვრთნელი ბუნებით გამარჯვებული და მაქსიმალისტია, რომელსაც ყველაფერი ყოველთვის იდეალურ კონდიციამდე ჰქონდა მიყვანილი. გვარდიოლა სამწვრთნელო კარიერის დასაწყისშივე სუპერვარსკვლავი იყო.
ესპანელ მწვრთნელის გზაზე იყვნენ თავისი სტატუსის შესაფერისი გუნდები - ბარსელონა, მიუნხენის ბაიერნი, ბოლოს კი ტიტულების კოლექცია მან თავის ამჟამინდელ კლუბშიც შეავსო. პეპის განკარგულებაში ყოველთვის იყვნენ მსოფლიოს ერთ-ერთი საუკეთესო მოთამაშეები და ისეთი ხელმძღვანელები, რომლებიც შემადგენლობის გაძლიერებისთვის ფინანსებს არ იშურებდნენ.
ეტიჰადზე მომუშავე მწვრთნელმა ნამდვილად არ იცის, თუ რას ნიშნავს ნულიდან დაწყება ან საშუალო დონე. იურგენის სამწვრთნელო კარიერა კი სულ სხვა სცენარით წარიმართა. ენფილდელთა ყოფილი დამრიგებლის კარიერა დაიწყო მაინცში, რომელთან ერთადაც ის მე-2 ბუნდესლიგაში დარჩენისთვის იბრძოდა.
ესპანელ მწვრთნელის გზაზე იყვნენ თავისი სტატუსის შესაფერისი გუნდები - ბარსელონა, მიუნხენის ბაიერნი, ბოლოს კი ტიტულების კოლექცია მან თავის ამჟამინდელ კლუბშიც შეავსო. პეპის განკარგულებაში ყოველთვის იყვნენ მსოფლიოს ერთ-ერთი საუკეთესო მოთამაშეები და ისეთი ხელმძღვანელები, რომლებიც შემადგენლობის გაძლიერებისთვის ფინანსებს არ იშურებდნენ.
ეტიჰადზე მომუშავე მწვრთნელმა ნამდვილად არ იცის, თუ რას ნიშნავს ნულიდან დაწყება ან საშუალო დონე. იურგენის სამწვრთნელო კარიერა კი სულ სხვა სცენარით წარიმართა. ენფილდელთა ყოფილი დამრიგებლის კარიერა დაიწყო მაინცში, რომელთან ერთადაც ის მე-2 ბუნდესლიგაში დარჩენისთვის იბრძოდა.
56 წლის მწვრთნელმა შეასრულა მისია და წლების შემდეგ, რაინლანდელები პირველ ბუნდესლიგაშიც აიყვანა. მოგვიანებით იყო დორტმუნდის ბორუსიასთან ერთად 2-ჯერ გერმანიის ჩემპიონობა და ევროპის ყველაზე პრესტიჟული საკლუბო ტურნირის ფინალი. ეს ის იშვიათი შემთხვევა გასულ დეკადაში, როდესაც გერმანიის საუკეთესო კლუბი იყო არა "რეკორდმაისტერი", არამედ ვესტფალიური კოლექტივი.
კლოპმა "შავ-ყვითლებითა" და "კარნევალსფერაინით" მაქსიმალურ შედეგს მიაღწია, იმ რესურსით, რაც მას გააჩნდა. იგივე ითქმის ლივერპულზეც, რომელიც გერმანელი ტაქტიკოსის მოსვლამდე, ინგლისის ერთ-ერთი საუკეთესო კლუბის წოდებისგან ძალიან შორს იყო. მერსისაიდელთა პირველი ჩემპიონობა 30-წლიანი პაუზის შემდეგ, უკავშირდება სწორედ იურგენს, ისევე როგორც ევროსარბიელზე ტრიუმფი.
"წითლების" ყოფილი მწვრთნელი თავისი 53 წლის კოლეგისგან განსხვავებით, ფულის მხარჯველ სპეციალისტთა კატეგორიას არ მიეკუთვნება. ის აქცენტს აკეთებდა მოთამაშის პროგრესზე და იმ შემთხვევაში, თუ წინსვლა არ შეინიშნებოდა, კლოპი ფეხბურთელის მიმართ მიდგომას ცვლიდა. ფეხბურთელების ხშირი ჩანაცვლება გვარდიოლას სტილია, გერმანელი ტაქტიკოსი კი არსებული რესურსით ცდილობს მაქსიმუმის მიღწევას.
სწორედ ამიტომ არის მათი შედარება რთული. დიახ, ორივე უდიდესი მწვრთნელია, თუმცა სხვადასხვანაირი მიდგომებით. გადავხედოთ სტატისტიკასაც, როგორც მოპოვებული ტიტულების, ისე ურთიერთმატჩების. ახალი ამბავი არ არის, რომ ესპანელი ტაქტიკოსის სამწვრთნელო გზაზე ყველაზე უხერხული მეტოქე სწორედ იურგენია.
ურთიერთშეხვედრების ისტორიაში უპირატესობა სწორედ სქაუზერების ყოფილ მწვრთნელს აქვს. ცნობისთვის, იგივე სიტუაციაა ხოსეპსა და ანტონიო კონტეს შორისაც, მაგრამ მათ შორის გაიმართა სულ რაღაც 7 (4:3) მატჩი, მაშინ, როდესაც 56 წლის ტაქტიკოსთან მან 30-ჯერ ითამაშა. ციფრები გადანაწილდა ასე: 12-ჯერ მოიგო კლოპმა, 11-ჯერ სიტის დამრიგებელმა, 7 მატჩი ფრედ დასრულდა.
მათი პირველი დაპირისპირება 2013 წელს შედგა, როდესაც 53 წლის მწვრთნელი ბავარიაში მივიდა, გერმანელი სპეციალისტი კი სიგნალ იდუნა პარკზე თავის მე-6 სეზონს ატარებდა. დასაწყისი: სუპერთასის მატჩში, რომელიც გაიმართა ალიანც არენას ბინადრებსა და დორტმუნდს შორის, მოგებული გამოვიდა იურგენი, რომლის კოლექტივმა გერმანიის ჩემპიონი 4:2 დაამარცხა.
ურთიერთშეხვედრების ისტორიაში უპირატესობა სწორედ სქაუზერების ყოფილ მწვრთნელს აქვს. ცნობისთვის, იგივე სიტუაციაა ხოსეპსა და ანტონიო კონტეს შორისაც, მაგრამ მათ შორის გაიმართა სულ რაღაც 7 (4:3) მატჩი, მაშინ, როდესაც 56 წლის ტაქტიკოსთან მან 30-ჯერ ითამაშა. ციფრები გადანაწილდა ასე: 12-ჯერ მოიგო კლოპმა, 11-ჯერ სიტის დამრიგებელმა, 7 მატჩი ფრედ დასრულდა.
მათი პირველი დაპირისპირება 2013 წელს შედგა, როდესაც 53 წლის მწვრთნელი ბავარიაში მივიდა, გერმანელი სპეციალისტი კი სიგნალ იდუნა პარკზე თავის მე-6 სეზონს ატარებდა. დასაწყისი: სუპერთასის მატჩში, რომელიც გაიმართა ალიანც არენას ბინადრებსა და დორტმუნდს შორის, მოგებული გამოვიდა იურგენი, რომლის კოლექტივმა გერმანიის ჩემპიონი 4:2 დაამარცხა.
რაც შეეხება უშუალოდ ბუნდესლიგაში გამართულ შეხვედრებს, მათ შორის დაფიქსირდა ფრე, 4:4. იმ დროს, ბორუსიადან გვარდიოლას გუნდში გადავიდა მარიო გიოტცე, რომელმაც საერთო ჯამში ორივე ტაქტიკოსთან ერთად იმუშავა. შედარების საკითხში ის ვესტფალიელთა ყოფილი დამრიგებლისკენ უფრო იხრება:
"კლოპმა ყველაფერი მასწავლა. მან დორტმუნდში თამაშის შესაძლებლობა მომცა მაშინ, როდესაც 17 წლის ვიყავი. გვარდიოლას აინტერესებს მხოლოდ ის მოთამაშეები, რომლებიც შედეგს ახლა დადებენ. პეპი არ გაძლევს დროს, მის გეგმებში უნდა შედიოდე, წინააღმდეგ შემთხვევაში სხვა კლუბის ძებნა გიწევს", - განაცხადა გერმანელმა გამთამაშებელმა.
იურგენი ყველას უყვარს, მის ოპონენტს კი კრიტიკოსები და მტრები არ აკლია. ესპანელი მწვრთნელის პასუხი იზომება მოპოვებულ ტიტულებსა და წარმოუდგენელ შედეგებში, რომელსაც მან კარიერის მანძილზე მიაღწია. პეპის ანგარიშზე ამ დროისთვის 38 მოგებული ტიტულია, მაშინ, როდესაც ენფილდელთა ყოფილ დამრიგებლის სახელზე მხოლოდ 13.
რაც შეეხება ურთიერთდამოკიდებულებას ერთმანეთის მიმართ - არასდროს ყოფილან მეგობრები, თუმცა უსაზღვრო პატივისცემა ორივეს მხრიდან თვალსაჩინოა:
"გვარდიოლა მსოფლიოს საუკეთესო სპეციალისტია, რომელმაც უამრავი ტიტული მოიგო. ის ყოველ ჯილდოს იგებს ისე, როგორც პირველად. პეპის ვნება ფეხბურთის მიმართ უსაზღვროა", - კლოპი.
"საოცარი მწვრთნელი და საოცარი პიროვნებაა. სამწუხაროდ, მისი ახლოს გაცნობა ვერ მოვასწარი. ის ძალიან დააკლდება როგორც ლივერპულს, ისე მთელ პრემიერ ლიგას. კარგი არის ის, რომ კლოპის წასვლის შემდეგ, მერსისაიდელებთან მატჩის წინა ღამეს უფრო მშვიდად დავიძინებ. ვფიქრობ, მასთან ერთად, აქაურობას სიტის რაღაც ნაწილიც ტოვებს.
იურგენის მიერ დამოძღვრილი "წითლები" წლების განმავლობაში ჩვენი მთავარი მოწინააღმდეგეები იყვნენ. ბუნდესლიგაში ყოფნის დროსაც კი, ჩემი მთავარი მეტოქე სწორედ გერმანელი ტაქტიკოსი იყო", - ეს უკვე ესპანელი სპეციალისტის სიტყვებია. აღნიშნული კომენტარი კარგად ხსნის იმ ფაქტს, თუ რატომ არის მათი დუელი თანამედროვე ფეხბურთის უდიდესი მოვლენა.
"საოცარი მწვრთნელი და საოცარი პიროვნებაა. სამწუხაროდ, მისი ახლოს გაცნობა ვერ მოვასწარი. ის ძალიან დააკლდება როგორც ლივერპულს, ისე მთელ პრემიერ ლიგას. კარგი არის ის, რომ კლოპის წასვლის შემდეგ, მერსისაიდელებთან მატჩის წინა ღამეს უფრო მშვიდად დავიძინებ. ვფიქრობ, მასთან ერთად, აქაურობას სიტის რაღაც ნაწილიც ტოვებს.
იურგენის მიერ დამოძღვრილი "წითლები" წლების განმავლობაში ჩვენი მთავარი მოწინააღმდეგეები იყვნენ. ბუნდესლიგაში ყოფნის დროსაც კი, ჩემი მთავარი მეტოქე სწორედ გერმანელი ტაქტიკოსი იყო", - ეს უკვე ესპანელი სპეციალისტის სიტყვებია. აღნიშნული კომენტარი კარგად ხსნის იმ ფაქტს, თუ რატომ არის მათი დუელი თანამედროვე ფეხბურთის უდიდესი მოვლენა.
"შესაძლოა, კარიერის დასრულების შემდეგ, ჩვენ მართლა ვიმეგობროთ, თუმცა არის ერთი ნიუანსი - გვარდიოლას უყვარს გოლფი, მე კი პადელი. რა ვითამაშოთ ერთად? პადელი მირჩევნია, თან პეპი ხომ ესპანელია და წესით, ამ სპორტის სახეობაში რაღაც უნდა გაეგებოდეს", - აცხადებდა გერმანელი ტაქტიკოსი.
დღეს, მანჩესტერელთა მწვრთნელმა პრემიერ ლიგის მორიგი ტიტული მოიპოვა, იურგენი კი სქაუზერებს დაემშვიდობა. დიახ, ლეგენდარული დაპირისპირება დასრულდა, მაგრამ სამუდამოდ თუ მხოლოდ დროებით, ამას მომავალი გვიჩვენებს. საინტერესოა, ვინ გადაიბარებს 53 წლის ტაქტიკოსის ყველაზე უხერხული მეტოქის წოდებას ენფილდელთა ყოფილი დამრიგებლისგან...
