ირჟი დუდეკმა ისაუბრა ლივერპულის ამჟამინდელ მეკარეებზე - ალისონ ბეკერსა და გიორგი მამარდაშვილის შესახებ. ვეტერანმა ფეხბურთელმა აღნიშნა, რომ მერსისაიდელთა ძირითად გოლკიპერად რჩება ბრაზილიელი კარის დარაჯი, მაგრამ მის ქართველ კონკურენტსაც კარგი შანსები აქვს.
"ვფიქრობ, მამარდაშვილს ლივერპულის ღირსეულად წარმოჩენისთვის ყველა საჭირო თვისება აქვს. რა თქმა უნდა, ძირითად მეკარედ დარჩება ალისონი, მაგრამ გიორგიმ იცის, თუ როგორ გაუწიოს მას კონკურენცია. ის მაღალი დონის გოლკიპერია, ბრწყინვალე რეაქციითა და სხვა მონაცემებით.
ქართველი მეკარე იგერიებს რთულ ბურთებს და ფეხითაც კარგად თამაშობს. დიახ, მერსისაიდული გუნდის სათამაშო სტილს ის მშვენივრად მოერგება. "წითლების" ქომაგებს ელით ძალიან საინტერესო სეზონი, არა მხოლოდ გოლკიპერების გამო."
