დღეს პრემიერ ლიგის მე-19 ტური სტარტს აიღებს, სადაც მაყურებელს საოცრად დაძაბული დაპირისპირებები ელოდება.
იმის მიუხედავად, რომ ამ ტურში თითოეული მატჩი საკმაოდ მნიშვნელოვანია, ყველას ყურადღება მაინც ლონდონისკენ იქნება მიმართული, სადაც მიკელ არტეტას არსენალი უნაი ემერის ასტონ ვილას დაუპირისპირდება.
შეგახსენებთ, მაყურებელმა ამ სეზონში გუნდების შორის პირველი დაპირისპირება 6 დეკემბერს იხილა, სადაც ბირმინგემელებმა "მეთოფეების" საოცარი სვლა შეაჩერეს და როგორი უცნაურიც არ უნდა იყოს, საჩემპიონო განაცხადიც გააკეთეს. იმის მიუხედავად, რომ მე-15 ტურში ასტონ ვილას ჩემპიონობაზე არავინ ფიქრობდა და საუბრობდა, ახლა უნაი ემერის გუნდი საჩემპიონო რბოლაში ოფიციალურად ჩართულია და მათი მიზანი არსენალის ზედიზედ მეორედ დამარცხებაა!
ასტონ ვილა ამ მატჩს არც მეტი, არც ნაკლები 11-მატჩიანი მოგებათა სერიით ხვდება, რაც საოცარი შედეგია. რაც შეეხება არსენალს, მიკელ არტეტას გუნდი 5-მატჩიანი მოგებათა სერიით იწონებს თავს.
არსენალი ამ ტურს 42 ქულით ხვდება, ხოლო ასტონ ვილას 39 ქულა აქვს. მატჩი დღეს გვიან, თბილისის დროით 00:15 საათზე გაიმართება.
რაც შეეხება ამ ტურის კიდევ ერთ გამორჩეულ მატჩს, 1 იანვარს მაყურებელს სანდერლენდი-მანჩესტერ სიტის შეხვედრა ელოდება, სადაც ძალიან ბევრი რაღაც უნდა გადაწყდეს.
პეპ გვარდიოლას გუნდი უბრალოდ საოცარ ფეხბურთს აჩვენებს და იმის მიუხედავად, რომ მეტოქე საკმაოდ ძლიერია, ფავორიტი მაინც ეტიჰად სთედიუმის ბინადრები არიან.
მანჩესტერ სიტის 40 ქულა აქვს და გამარჯვების შემთხვევაში შეიძლება პირველ ადგილზეც აღმოჩნდეს.
ამ ტურში გასამართი სხვა მატჩები:
ბარნლი - ნიუკასლი
ჩელსი - ბორნმუთი
ნოტინგემ ფორესტი - ევერტონი
ვესტ ჰემი - ბრაიტონი
მანჩესტერ იუნაიტედი - ვულვზი
კრისტალ პალასი - ფულემი
ლივერპული - ლიდს იუნაიტედი
ბრენტფორდი - ტოტენჰემი
