შეხვედრის ანგარიში ვინისიუსმა 34-ე წუთზე გახსნა, რასაც ზუსტად 8 წუთში ბელინგემის გოლი მოჰყვა და სამეფო კლუბმა პირველი ტაიმი დამაჯერებლად მოიგო.
მეორე ნახევარში ვინისიუსმა კიდევ ორი გოლი გაიტანა — ბრაზილიელმა 61-ე წუთზე სხვაობა სამამდე გაზარდა, ხოლო 69-ე წუთზე, მატჩის საბოლოო ანგარიში დააფიქსირა.
12 მატჩის შემდეგ, მადრიდის რეალს 27 ქულა აქვს და მეორე ადგილზე იმყოფება. კარლო ანჩელოტის გუნდი მომდევნო ტურში ლეგანესს ესტუმრება, რომელიც მე-16 პოზიციას იკავებს.
