საფეხბურთო ობსერვატორია CIES-მა ჩაატარა საინტერესო კვლევა და დაასახელა ევროპული ფეხბურთის 100 ყველაზე მაღალანაზღაურებადი მოთამაშე, უშუალოდ თამაშით დაფიქსირებული შედეგების მიხედვით. ობსერვატორია დაეყრდნო ფეხბურთელების, სტატისტიკას, ასაკს, ჩემპიონატის დონესა და სხვა კრიტერიუმებს.
100 ყველაზე მაღალანაზღაურებად მოთამაშეს შორის მე-11 ადგილზე არის პარის სენ-ჟერმენის გარემარბი, ხვიჩა კვარაცხელია, რომლის რეალური ხელფასი გადასახადების დაქვითვის გათვალისწინებით არ აღემატება 10.8 მილიონს წლიურად, ობსერვატორიის კვლევით კი 16.2 მილიონი უნდა იყოს.
ცნობისთვის, იგივე ანაზღაურება აქვს მადრიდის რეალის თავდამსხმელს, ვინისიუს ჟუნიორსაც. რაც შეეხება ყველაზე მაღალანაზღაურებად მოთამაშეს, ყოველწლიური 22.8 მილიონით პირველ პოზიციაზე არის "სამეფო კლუბის" კიდევ ერთი ფორვარდი, კილიან მბაპე. ქვემოთ შეგიძლიათ იხილოთ საუკეთესო 20-ეული.
მსოფლიოს 20 ყველაზე მაღალანაზღაურებადი ფეხბურთელი CIES-ის მონაცემებზე დაყრდნობით
| ფეხბურთელი | ანაზღაურება | კლუბი |
| კილიან მბაპე | 22.8 მილიონი ევრო | რეალი |
| მოჰამედ სალაჰი | 17.9 მილიონი ევრო | ლივერპული |
| ჯუდ ბელინგემი | 17.5 მილიონი ევრო | რეალი |
| ჟოაო ნევეში | 17.3 მილიონი ევრო | პსჟ |
| დომინიკ სობოსლაი | 17.1 მილიონი ევრო | ლივერპული |
| უსმან დემბელე | 16.9 მილიონი ევრო | პსჟ |
| ხულიან ალვარესი | 16.9 მილიონი ევრო | ატლეტიკო |
| ლაუტარო მარტინესი | 16.7 მილიონი ევრო | ინტერი |
| ლამინ იამალი | 16.7 მილიონი ევრო | ბარსელონა |
| ვინისიუს ჟუნიორი | 16.2 მილიონი ევრო | რეალი |
| ხვიჩა კვარაცხელია | 16.2 მილიონი ევრო | პსჟ |
| მარკუს ტურამი | 16 მილიონი ევრო | ინტერი |
| ჰარი კეინი | 15.7 მილიონი ევრო | ბაიერნი |
| ლუის დიასი | 15.7 მილიონი ევრო | ბაიერნი |
| კოდი გაკპო | 15.5 მილიონი ევრო | ლივერპული |
| რაფინია ბელოლი | 15.3 მილიონი ევრო | ბარსელონა |
| ორელიან ჩუამენი | 15.3 მილიონი ევრო | რეალი |
| ბრედლი ბარკოლა | 15.3 მილიონი ევრო | პსჟ |
| ერლინგ ჰოლანდი | 15.2 მილიონი ევრო | მან სიტი |
| რაიან გრავენბერხი | 15.1 მილიონი ევრო | ლივერპული |
