რონალდინიო გაუჩომ პარის სენ-ჟერმენისა და ფლამენგოს მოახლოებული მატჩის შესახებ კომენტარი გააკეთა. შეგახსენებთ, რომ ეს გუნდები ერთმანეთს საკონტინენტთაშორისო თასის ფინალის ფარგლებში შეხვდებიან. ბრაზილიელ ფლეიმეიქერს კარიერის მანძილზე უთამაშია როგორც პსჟ-ში, ისე რიოშიც.
"ვის ვგულშემატკივრობ პარის სენ-ჟერმენისა და ფლამენგოს მატჩში? როდესაც მოგონებები გაკავშირებს ორივე გუნდთან, ერთის დასახელება რთულია. პსჟ-ში გავიზარდე და განვიცადე ტრანსფორმაცია როგორც მოთამაშემ, რიოში კი მაჩვენეს, თუ რას ნიშნავს ქომაგობა მთელი გულით და ვნებით.
"ურუბუ" კარგ ფორმაშია და ყოველთვის სასიხარულოა ბრაზილიური გუნდის ხილვა დიდ ტურნირზე, თუმცა მეორე მხარეს არიან "ლურჯ-წითლები", რომლებიც ცხადია, ყველა ტიტულის მოგებას გეგმავენ. ველი სანახაობრივ და ლამაზ ფეხბურთს ორივე გუნდისგან."
