პარის სენ-ჟერმენი საკონტინენტთაშორისო თასის ფინალში ფლამენგოს დაუპირისპირდება. ამ ფაქტს პროვოკაციულ სტილში გამოეხმაურა პსჟ-ს მოსისხლე მტერი, მარსელის ოლიმპიკი, რომელმაც რიო-დე-ჟანეირულ კლუბს მოგება წინასწარ მიულოცა. განცხადება გავრცელდა X-ში, პროვანსალელთა პორტუგალიურენოვან გვერდზე, მაგრამ მოგვიანებით, პოსტი წაიშალა.
"ვულოცავთ ფლამენგოს ჩემპიონობას. რა თქმა უნდა, ჩვენც იქ ვიქნებით და გიქომაგებთ."
"ლურჯ-წითლებთან" მტრობის გარდა, პროვანსალელების მოტივაცია წარმოადგენს შემდეგს - რიო-დე-ჟანეიროელთა დამარცხების შემთხვევაში, ლუის ენრიკეს გუნდი საფრანგეთში გახდება ერთადერთი კოლექტივი, საკონტინენტთაშორისო თასის ტიტულით თავის კოლექციაში.
რაც შეეხებათ სტად ველოდრომის ბინადრებს, 1993 წელს, ჩემპიონთა ლიგაზე გამარჯვების მიუხედავად, ამ გუნდს საკონტინტთაშორისო თასზე მონაწილეობა არ მიუღია. მიზეზი: ჩაწყობილ თამაშთან დაკავშირებული სკანდალი, რომლის გამოც რაიმონ გუტალსის გუნდი ყველა ტურნირიდან მოკვეთეს.
