ცნობილია, თუ რომელი მწვრთნელის მოსვლა სურთ მანჩესტერ იუნაიტედის გულშემატკივრებს მათ საყვარელ გუნდში. ბარნლისთან შეხვედრის მსვლელობისას "წითელი ეშმაკების" ქომაგები ოლე-გუნარ სოლსკიაერის გვარს სკანდირებდნენ. აღსანიშნავია ისიც, დაბრუნების სურვილი თავად ნორვეგიელმა თავკაცმაც გამოთქვა.
შეგახსენებთ, რომ რუბენ ამორიმის გათავისუფლების შემდეგ, ოლდ ტრაფორდის ბინადრების დროებით მწვრთნელად დაინიშნა დარენ ფლეტჩერი და ის გუნდს 11 იანვარს გასამართ ბრაიტონთან შეხვედრაშიც უთავკაცებს. რა იქნება შემდეგ? ჯერჯერობით უცნობია. ბრიტანული პრესა თავის მხრივ ყველაზე რეალურად კანდიდატად სწორედ ბეშიქთაშის ექს-დამრიგებელს ასახელებს.
შეგახსენებთ, რომ სოლსკიაერი მან იუნაიტედში მუშაობდა 2018 - 2021 წლებში და მისი მწვრთნელობით გუნდმა ევროპა ლიგის ფინალამდე მიაღწია. ამის გარდა, მანჩესტერელებმა ნორვეგიელ თავკაცთან ერთად, 168 შეხვედრიდან 91 მოიგეს.
