მატიას პოგბამ შეაფასა თავისი ძმის, პოლის დიდ ფეხბურთში დაბრუნება. მისი თქმით, ვარსკვლავური ნახევარმცველის ქამბექი არ შედგა, რადგან ხალხს ჰქონდა ზედმეტად დიდი მოლოდინი, რამაც ფრანგ ფლეიმეიქერს ფსიქოლოგიური პრობლემები გაუჩინა.
"პოლის გარშემო არსებული მდგომარეობა? ეს საწყენია, როგორც მისთვის, ისე ზოგადად მთელი ჩვენი ოჯახისთვის. ვვარაუდობდი, რომ ის ვერ შეძლებდა სრულფასოვან ქამბექს, რადგან ორგანიზმი გადაჩვეულია იმ დატვირთვებს, რასაც მოთამაშე თანამედროვე ფეხბურთში იღებს.
ჩემი ძმის დაბრუნება უნდა მოხდეს ეტაპობრივად, არ ღირს მისი დაჩქარება. ხალხს ეს არ ესმის და ისინი უსაფუძვლოდ ქმნიან მაღალ მოლოდინს. ეს ყველაფერი მის გარშემო ფსიქოლოგიურ პრობლემებს აჩენს. ის სავსეა ენთუზიაზმით, მაგრამ ახალ და ახალ დარტყმებს იღებს."
