ვიქტორ გიოკერეში ლონდონის არსენალის ფეხბურთელი ოფიციალურად გახდა. აღსანიშნავია, რომ ახალწვეული თავდამსხმელი "მეთოფეებში" მოირგებს მე-14 ნომერს, როგორც ეს თავის დროზე ტიერი ანრიმ გააკეთა. აქ, ლეგენდარულ ფორვარდთან პარალელების გავლება არ სრულდება.
თუ რაიმე გაუთვალისწინებელი არ მოხდა, შვედი თავდამსხმელის ოფიციალური დებიუტი პრემიერ ლიგაში შედგება პირველ ტურში, მანჩესტერ იუნაიტედთან. ცნობისთვის, ინგლისის ჩემპიონატში პირველი წაგება ფრანგმა ექს-ფორვარდმა სწორედ აღნიშნული კლუბის წინააღმდეგ იგემა.
"წითელ ეშმაკებთან" მატჩი ჩანიშნულია 17 აგვისტოს - ემირეიტსის ბინადრების ლეგენდარული კაპიტნის დაბადების დღეს. დავუბრუნდეთ მიკელ არტეტას გუნდის ახალწვეულ ფორვარდს, რომლისთვისაც ოლდ ტრაფორდის ბინადრებთან შეხვედრა განსაკუთრებული იქნება კიდევ იმით, რომ ამ კლუბში მუშაობს მისი ყოფილი დამრიგებელი ლისაბონის სპორტინგიდან, რუბენ ამორიმი.
