ჩემპიონთა ლიგის ნახევარფინალის ფარგლებში პარის სენ-ჟერმენი ესტუმრა დორტმუნდის ბორუსიას, რომელთანაც დამარცხდა მინიმალური ანგარიშით, 1:0.
მატჩის ერთადერთი გოლი ნიკლას ფულკრუგმა გაიტანა, მან ნიკო შლოტერბეკის საგოლე გადაცემით ისარგებლა და ანგარიში გახსნა.
პსჟ-ს არაერთი მომენტი ჰქონდა, კარისკენ დარტყმის 10 მცდელობიდან, უშუალოდ კარში მხოლოდ 3 დარტყმა წავიდა. დორტმუნდმა კი ამ მხრივ სრული სიზუსტე გამოავლინა - ოთხი დარტყმიდან ოთხივე კარში წავიდა.
შეგახსენებთ, რომ განმეორებითი შეხვედრა გაიმართება 7 მაისს, ჩვენი დროით 23:00 საათზე.
