რამდენიმე საათის წინ დადასტურდა, რომ მიუნხენის ბაიერნმა საინტერესო ტრანსფერი განახორციელა და ლონდონის ჩელსიდან ნიკოლას ჯექსონი იჯარის წესით წაიყვანა.
ყველაფერი გადაწყვეტილი იყო, ჯექსონი უკვე უნდა გაფრენილიყო, გერმანიაში სამედიცინო შემოწმება გაევლო და რეკორდმაისტერის სრულფასოვანი ფეხბურთელი გამხდარიყო.
თუმცა სიტუაცია ჩელსის დღევანდელი მატჩის შემდეგ შეიცვალა, როცა ლონდონელთა ფეხბურთელმა ლაიამ დელაპიმ მძიმე ტრავმა მიიღო.
დელაპი მინიმუმ 2 თვეს გამოტოვებს. ჩელსის მთავარმა მწვრთნელმა ენცო მარესკამ კი ამის გამო ყველაფერი თავდაყირა დააყენა და ჯექსონის ბაიერნში ტრანსფერი დაბლოკა.
მარესკამ მოითხოვა, რომ ჯექსონი ჩელსიში დარჩეს და მომდევნო ვარჯიშიდან გუნდს შეუერთდეს. ასე ჩაიშალა მისი ტრანსფერი მიუნხენის ბაიერნში.
