ტურინის იუვენტუსის ყოფილმა თავდამსხმელმა, ფაბრიციო რავანელიმ სერია A-ს მიმდინარე სეზონის მთავარი ფავორიტი დაასახელა. ვეტერანი იტალიელი ფორვარდის თქმით, სკუდეტოს მოგების ნომერ პირველი პრეტენდენტი მილანის ინტერი არის.
"ინტერი სერია A-ს მიმდინარე სეზონის ყველაზე დაუნდობელი გუნდია. ისინი თამაშობენ ძალიან ლამაზად, თანაც ისეთი მწვრთნელის ხელში, რომელიც მილანელებს კარგად მოერგო. კივუმ ნამდვილად იცის თავისი საქმე და ის ამ წარმატების მთავარი მამოძრავებელი ძალა არის.
კრისტიანის ყველაზე ძლიერი მხარე? მან "ნერაძურის" ფეხბურთელებთან მოახერხა მაქსიმალურად ახლო და მეგობრული ურთიერთობის ჩამოყალიბება. ვფიქრობ, მეაცას ბინადრები ევროპის მთავარ საკლუბო ტურნირზეც გააგრძელებენ წარმატებულ ასპარეზობას. მათ სეზონის ტრიუმფალურად დასრულების ყველა წინაპირობა აქვთ."
