წარმოგიდგენთ ყველაზე ძვირადღირებულ ქართველ ფეხბურთელებს სხვადასხვა დეკადაში, 1990-იანებიდან - დღემდე. დამოუკიდებელი ქართული ფეხბურთის შექმნის შემდეგ, 90-იანებში ყველაზე ძვირი გადაიხადეს გიორგი ქინქლაძეში, როდესაც 1998 წელს ის 8 მილიონი ევროს სანაცვლოდ მანჩესტერ სიტიდან აიაქს ამსტერდამში გადავიდა.
2000-იანები - კახა კალაძის ტრანსფერი კიევის დინამოდან მილანში, 16 მილიონ ევროდ, 2001 წელს. 2010-იანებში სატრანსფერო ფასებმა მიაღწიეს თავის მაქსიმუმს, მაგრამ ქართველი ფეხბურთელების მიმართებაში მოხდა პირიქით, 10-იანებში "ჯვაროსნების" წევრებში გადაიხადეს იმაზე ნაკლები, ვიდრე 90-იანებსა და 00-იანებში.
საუბარია ალექსანდრე ამისულაშვილისა და გიორგი ქვილითაიას ტრანსფერებზე, რომლებიც კრასნოდარსა და გენტში სამ მილიონ ევროდ გადავიდნენ. რაც შეეხება 20-იანებს, აქ ყველაფერი გასაგებია, ხვიჩა კვარაცხელიას ტრანსფერი ნაპოლიდან - პარის სენ-ჟერმენში, 70 მილიონ ევროდ.
როგორც ვხედავთ, 2010-იანებიდან - 2020-მდე, ყველაზე ძვირადღირებული ქართველი ფეხბურთელის სატრანსფერო ფასი თითქმის 24-ჯერ გაიზარდა. ვნახოთ, ვინ შეძლებს მომავალში პსჟ-ს ვინგერის სატრანსფერო რეკორდის მოხსნას.
ყველაზე ძვირადღირებული ქართველი ფეხბურთელები სხვადასხვა დეკადაში
| ფეხბურთელი | ტრანსფერი | ფასი | პერიოდი |
| გიორგი ქინქლაძე | მან სიტიდან - აიაქსში | 8 მილიონი ევრო | 1990-იანები (01.07.1998) |
| კახა კალაძე | დინამო კიევიდან - მილანში | 16 მილიონი ევრო | 2000-იანები (23.01.2001) |
| ალექსანდრე ამისულაშვილი | ქაისერისპორიდან - კრასნოდარში | 3 მილიონი ევრო | 2010-იანები (01.01.2011) |
| გიორგი ქვილითაია | რაპიდიდან - გენტში | 3 მილიონი ევრო | 2010-იანები (18.07.2018) |
| ხვიჩა კვარაცხელია | ნაპოლიდან - პსჟ-ში | 70 მილიონი ევრო | 2020-იანები (17.01.2025) |
