მსოფლიო საკლუბო ჩემპიონატის მეოთხედფინალში ხვიჩა კვარაცხელიას პარის სენ-ჟერმენი ბაიერნ მიუნხენს დაუპირისპირდება. "რეკორდმაისტერი" პსჟ-სთვის არის ყველაზე უხერხული მეტოქე ევროპაში, რადგან ფრანგულ კლუბებს თუ არ ჩავთვლით, ყველაზე მეტი შეხვედრა ჩემპიონთა ლიგის მოქმედმა ტრიუმფატორმა სწორედ ამ გუნდთან წააგო.
უფრო კონკრეტულად, ალიანც არენას ბინადრებმა "ლურჯ-წითლები" 14-დან 8 მატჩში დაამარცხეს. ამის გარდა, გამოსარჩევია ის ფაქტი, რომ პარკ დე პრენსის ბინადრებს ბაიერნთან 4-თამაშიანი მოქმედი წაგებათა სერია აქვთ. მთავარი და ყველაზე მძიმე მარცხი მოხდა 2020 წლის 23 აგვისტოს, როდესაც ტომას ტუხელის გუნდმა მიუნხენელებთან ჩემპიონთა ლიგის ფინალში წააგო.
იმ მარცხიდან ხუთი წლის შემდეგ, პარის სენ-ჟერმენმა მაინც მოახერხა ჩემპიონთა ლიგაზე გამარჯვება, თუმცა მოწინააღმდეგე იყო არა "რეკორდმაისტერი", არამედ მილანის ინტერი. ვნახოთ, რას იზამს პსჟ თავის ყველაზე უხერხულ მეტოქესთან მუნდიალზე, ამჯერად უკვე ქართველ ვინგერთან ერთად.
