აქამდე საქართველოსა და ავსტრალიის ნაკრებები ერთმანეთს სულ 2-ჯერ შეხვდენენ:
საქართველო 8:27 ავსტრალია (2019 წლის მსოფლიო თასი);
საქართველო 15:35 ავსტრალია (2023 წლის მსოფლიო თასი);
"მოუთმენლად ველით ავსტრალიაში გამგზავრებას და მათთან მსოფლიო თასს მიღმა პირველ თამაშს. დიდ მადლობას ვუხდი ავსტრალიის რაგბის კავშირის პრეზიდენტს, ბატონ ჯო როფს მიწვევისთვის და საპასუხოდ, მომავალში „ვოლაბებს“ საქართველოში სათამაშოდ ვეპატიჟები. ავსტრალია მსოფლიოს ორგზის ჩემპიონი და ელიტის წარმომადგენელია. ის, რომ მათ ჩვენთან თამაშის სურვილი აქვთ იმაზე მეტყველებს, რომ ქართული რაგბი ვითარდება. იაპონიასთან თამაშის შემდეგ, ერთ კვირაში, ჩვენი გუნდი სიდნეიში ჩავა და 2023 წლის მსოფლიო თასზე ნაჩვენები შედეგისთვის რევანშის აღების შესაძლებლობა ექნება" - განაცხადა საქართველოს რაგბის კავშირის პრეზიდენტმა, იოსებ ტყემალაძემ.
წყარო: საქართველოს რაგბის კავშირი
