იტალიაში მიმდინარე ზამთრის ოლიმპიურ თამაშებზე ანასტასია გუბანოვამ ასპარეზობა დაასრულა. საქართველოს ფიგურულ მოციგურავეთა ნაკრების წევრი დღეს ოლიმპიადაზე თავისუფალი პროგრამით წარდგა ანასტასიამ 138.22 ქულა მოაგროვა, მოკლე პროგრამაში კი 71,77, ჯამში 209.99 ქულით მეცხრე ადგილი დაიკავა. ანასტასიამ გააუმჯობესა წინა ოლიმპიადაზე ნაჩვენები შედეგი, სადაც მე-10 პოზიციაზე გავიდა.
ოლიმპიური ჩემპიონი ამერიკელი ალისა ლიუ გახდა, ვერცხლი იაპონელმა კაორი საკამოტომ, ბრინჯაო კი ასევე იაპონელმა ამი ნაკაიმ მოიპოვა.
შეგახსენებთ, ისტორიაში პირველად საქართველომ ზამთრის ოლიმპიადაზე მედალი მოიპოვა, ლუკა ბერულავასა და ანასტასია მეტელკინას სპორტულმა წყვილმა საქართველოს ვერცხლის მედალი მოუტანა.
