უესლი სნეიდერი შესაძლოა ფეხბურთში დაბრუნდეს. გავრცელებული ინფორმაციით, ამსტერდამის აიაქსი ეძებს ახალ ტექნიკურ დირექტორს და ერთ-ერთ ვარიანტად სწორედ ნიდერლანდელი ექს-ფლეიმეიქერი განიხილება. "ებრაელთა" მიზანია ისეთი სპეციალისტის მოყვანა, რომელმაც შიდა სამზარეულო კარგად იცის.
იოჰან კრუიფ არენაზე დაბრუნების შესაძლებლობაზე კომენტარი გააკეთა თავად მილანის ინტერის ყოფილმა გამთამაშებელმა, რომელიც მშობლიურ კლუბში დანიშნვის წინააღმდეგი არ არის. აღსანიშნავია ისიც, რომ აიაქსი "ნერაძურის" ყოფილ მე-10 ნომერს ჯერ არ შეხმიანებია.
"აიაქსიდან თუ დამირეკავენ, მზად ვარ ამ საკითხზე სალაპარაკოდ. კლუბში შესაცვლელია უამრავი რამ და გარკვეული გეგმა უკვე მოფიქრებული მაქვს. საჭიროა ისეთი ხალხის მოყვანა, რომლებიც ამსტერდამული კლუბის კრიზისიდან ამოყვანით დაინტერესებულები იქნებიან.
ასევე საჭიროა ადამიანები კარგი კავშირებით საფეხბურთო სამყაროში. პირადად მე ვიცნობ ასობით კარგ მწვრთნელს და კომუნიკაციის დამყარება მათთან არ გამიჭირდება. კლუბმა მაგალითი პარის სენ-ჟერმენში მომუშავე ხალხისგან უნდა აიღოს."
