ლა ლიგის 31-ე ტურში მადრიდის რეალმა საკუთარ კედლებში მიიღო ჟირონა, რომელთანაც ითამაშა ფრე, ანგარიშით 1:1. ფედერიკო ვალვერდეს გოლს უპასუხა ტომას ლემარმა, რის შემდეგაც "სამეფო კლუბმა" კატალონიელებს ვეღარაფერი დაუპირისპირა. ეს იყო ზედიზედ მე-3 მოუგებელი შეხვედრა სანტიაგო ბერნაბეუს ბინადრების მხრიდან.
ალვარო არბელოას გუნდი ექვსი დღის შუალედში დამარცხდა ბაიერნ მიუნხენსა და რეალ მალიორკასთან, ამჯერად კი ფრე "ბლანკივერმელსთან". იმ შემთხვევაში, თუ დღეს ბარსელონა მოუგებს მეზობელ ესპანიოლს, რეალთან სხვაობას 9 ქულამდე გაზრდის.
რეალი 1:1 ჟირონა
გოლები: 1:0 ფედერიკო ვალვერდე 51', 1:1 ტომას ლემარი 62'.
