სპორტის საარბიტრაჟო სასამართლომ (CAS) ზურაბ დათუნაშვილის საქმესთან დაკავშირებით საბოლოო განაჩენი გამოიტანა და 34 წლის სპორტსმენი მკაცრად დასაჯა.
სერბეთის სახელით მოჭიდავე ზურაბ დათუნაშვილს ბრალი დოპინგზე თავის არიდებაში (შარდის ჩანაცვლება) ედებოდა და განაჩენის გამოცხადების შემდეგ, მას ორივე მსოფლიო ჩემპიონატის ოქროს და ოლიმპიადის ბრინჯაოს მედალი ჩამოართვეს. ტიტულების ჩამორთმევის გარდა, სპორტსმენი 5 წლიანი დისკვალიფიკაციით დაისაჯა, თუმცა, მან კარიერა 2023 წელს ოფიციალურად დაასრულა.
შეგახსენებთ, რომ ზურაბ დათუნაშვილი სერბეთის სახელით 2020 წლიდან ასპარეზობდა და 2023 წლამდე მან ერთხელ ევროპის, ხოლო ორჯერ მსოფლიო ჩემპიონატი მოიგო. 2021 წლის ტოკიოს ოლიმპიადაზე კი ბრინჯაოს მედალს დასჯერდა. საქართველოს სახელით კი მას ორჯერ აქვს ევროპის ჩემპიონატი მოგებული.
