თუ გჯერა, რომ მეტი შეგიძლია - ეს არის შენი შანსი. პირველად საქართველოში, GBM სააგენტოს ორგანიზებით, ტარდება საერთაშორისო საკალათბურთო კემპი, რომელიც აერთიანებს პროფესიონალ მწვრთნელებსა და ევროპელი სკაუტების ყურადღებას ერთ სივრცეში.
GBM არის საერთაშორისო სააგენტო, რომლის მიზანია ქართველ ახალგაზრდებს გაუხსნას კარი ევროპულ და ამერიკულ სპორტულ და აკადემიურ სისტემებში. ეს კემპი სწორედ ის პლატფორმაა, სადაც შენი თამაში შეიძლება გახდეს შენი მომავლის ბილეთი.
მთავარი მწვრთნელი - პეტარ როგანოვიჩი მონტენეგროელი სპეციალისტი, რომელიც მოღვაწეობს იტალიაში და მუშაობდა როგორც ელიტურ ახალგაზრდულ გუნდებთან, ასევე პროფესიონალ მოთამაშეებთან. მისი ხელმძღვანელობით გუნდებმა არაერთ წარმატებას მიაღწიეს, ხოლო მისი ინდივიდუალური მიდგომა მოთამაშეების განვითარებაში განსაკუთრებულად ფასდება ევროპაში. კემპზე ასევე წარმოდგენილი იქნებიან საერთაშორისო სკაუტები იტალიიდან, ესპანეთიდან და ლიეტუვადან.
კემპზე ყველა სპორტსმენი მიიღებს:
- პროფესიონალურ ვარჯიშს ევროპული სტანდარტებით;
- პირდაპირ კონტაქტს საერთაშორისო სკაუტებთან;
- ბრენდირებულ მაისურს;
- ოფიციალურ სერტიფიკატს.
საერთაშორისო საკალათბურთო კემპი 22, 23 და 24 მაისს ზაზა ფაჩულიას აკადემიაში გაიმართება. ადგილები შეზღუდულია (პირველი კალათის ბილეთები სრულად გაიყიდა). რეგისტრაციისთვის გამოიყენეთ ბმული: https://shorturl.at/UzjlV
მეტი ინფორმაციისთვის ეწვიეთ GBM Agency-ს ფეისბუქ გვერდს.
