7 დეკემბერს თბილისის სპორტის სასახლეში, MMA-ში ორი ორგანიზაციის IFC -ის და MAX FIGHT-ის ერთობლივი ღონისძიება ჩატარდება . გულშემატკივარი იხილავს 13 ბრძოლას, საიდანაც 4 დაპირისპირება Striking MMA-ში გაიმართება.
15 წლიანი პაუზის შემდეგ, სამშობლოში რინგზე გავა მსოფლიოს სამგზის ჩემპიონი კიკბოქსინგში დავით ქირია. ქართველი Striking MMA-ში ჩემპიონის ქამრისთვის პორტუგალიელ ლუკას კარლოს და სილვას დაუპირისპირდება.
დავით ქირია 20 წელია კიკბოქსინგში ასპარეზობს და მსოფლიოს ჩემპიონობასთან ერთად არაერთი გამარჯვება აქვს მოპოვებული.
7 დეკემბერს IFC -ის და MAX FIGHT-ის ღონისძიებაზე გულშემატკივარი ქართველი და უცხოელი მებრძოლების დაძაბულ დაპირისპირებებს იხილავს. შეჯიბრში 10 სხვადასხვა ქვეყნის სპორტსმენი მიიღებს მონაწილეობას.
გერმანული ორგანიზაცია IFC-ი საქართველოში წელს მესამე ივენთს ატარებს. პირველი ღონისძიება თბილისის სპორტის სასახლეში ივნისში გაიმართა, გერმანული მხარის დადებითი შეფასების, ქართველი მებრძოლების წარმატებისა და ქვეყანაში MMA-ის მიმართ ინტერესის ზრდა გახდა შემდგომი ღონისძიებების ჩატარების საფუძველი.
IFC -ის და MAX FIGHT-ის ღონისძიება 7 დეკემბერს თბილისის სპორტის სასახლეში 19:00 საათზე დაიწყება.
