ორი დაღესტნელი მებრძოლი - ისლამ მახაჩევი და უმარ ნურმაგომედოვი, როგორც იცით, ერთ გუნდში არიან და 19 იანვარს ერთ ღამეს, იმავე ქარდზე მოუწევთ ბრძოლა. ორივე კონტენდერის თავდაჯერებულობა და საბრძოლო ხასიათი როგორც საუბრებიდან ვხედავთ მაღალ დონეზეა, თუმცა უკანასკნელად უმარ ნურმაგომედოვმა სპორტულ მედია - MMA Junkie-სთან აღიარა, რომ მას და მის გუნდს ღონისძიების დროს დიდი ნერვიულობის გადატანა მოუწევთ.
"ჩვენი გუნდს რთული და ნერვიული ღამე ელის, რადგან ორივეს სატიტულო ჩხუბი გვაქვს. ისლამი ჩემს ჩხუბზე ინერვიულებს, მაგრამ მე იდეალურად ვიბრძოლებ. შევეცდები, რომ ერთი დარტყმაც არ ავაცილო და კარგი ენერგიით ვიჩხუბო." - უმარ ნურმაგომედოვი.
ანალოგიურ განწყობაზეა უმარის და ისლამის ერთ-ერთი მთავარი მწვრთნელი და ახლო მეგობარი - ხაბიბ ნურმაგომედოვიც. UFC-ს ყოფილი ჩემპიონი ორივე მებრძოლის კუთხეში დგას, რაც თავისთავად მისი მხრიდან დიდ ენერგიას და მენტალურ სიმტკიცეს საჭიროებს, რადგან ეს ღამე მათი გუნდისთვის ერთ-ერთი ყველაზე გადამწყვეტი და მნიშვნელოვანია, მითუმეტეს, როცა მათ წინ მერაბის და არმანის ნაირი მაღალი დონის მებრძოლები უდგებიან.
