თოფურია, აუცილებლად დაგაძინებ - მაურისიო რაფი

ილია თოფურიას უკანასკნელ პერფორმანსს, მებრძოლთა უმეტესობისგან დადებითი რეაქცია მოჰყვა. ეს ყველაფერი განპირობებული იყო "ელ მატადორის" შესანიშნავი ნოკაუტით, ზემოხსენებული წონის ყოფილი ჩემპიონის - ჩარლზ ოლივეირას წინააღმდეგ. მიუხედავად იმისა, რომ ხალხთა დიდი ნაწილისთვის თოფურიას სანუკაუტე ძალა უკვე აღიარებულ ფენომენად იქცა, აშკარაა, რომ 70 კგ დივიზიონის მებრძოლი - მაურისიო რაფი განსხვავებულ აზრზე დგას.

ბრაზილიელმა სპორტსმენმა, ბოლო პერიოდის განმავლობაში, პოპულარობა საკუთარი ექსტრავაგანტული სტილის და ბრწყინვალე ფინიშების ხარჯზე შეძლო. აღსანიშნავი ტალანტისა და მოგებათა სერიების მიუხედავად, ამჟამინდელ ეტაპზე, მისი და ილიას დაპირისპირების იდეა ჯერ-ჯერობით არარეალისტურად მიიჩნევა. საინტერესოა, მოჰყვება თუ არა შესაბამისი კომენტარი ამ განცხადებას მსუბუქი დივიზიონის ჩემპიონისგან.