საჩემპიონო ქამრის მოპოვების შემდეგ, ილია თოფურიამ პრესკონფერენცია გამართა, სადაც ჟურნალისტების კითხვებს უპასუხა:
"ჩემპიონობა საოცარი გრძნობაა და მოუთმენლად ველოდები, როდის წავალ აქედან, რათა ოჯახსა და მეგობრებთან ერთად აღვნიშნო გამარჯვება. დღეს ჩემი გეგმა რაც შეიძლება გრძელი კომბინაციებით ბრძოლა იყო და ვფიქრობ, კარგად გამომივიდა."
"არ მჭირდება მსაჯების გადაწყვეტილება, როდესაც ოქტაგონზე ვარ, მათ შეუძლიათ დაისვენონ. ვოლკანოვსკი პირველ რაუნდში სწრაფი იყო და ყველა დარტყმას აღნიშნავდა, მე კი ჩემს დროს ველოდებოდი და კარგად გამოვიყენე. ის კარგი ადამიანია და მხოლოდ ამიტომ შეიძლება იმსახურებდეს რევანშს, თუმცა, სპორტული თვალსაზრისით, ახალი გამოწვევა მინდა. მე მებრძოლი ვარ და ნებისმიერ ოპონენტს შევხვდები."
"მინდა ჩემს პატარა საქართველოს ქართულად მივმართო: მადლობას გიხდით გვერდში დგომისთვის. ყველა გულში მიყვარხართ, ერთი სული მაქვს საქართველოში ჩამოვიდე და ერთად ვიზეიმოთ გამარჯვება. დიახ, მე ბედნიერი ვარ, რომ ორ დიდებულ ქვეყანას, საქართველოსა და ესპანეთს წარმოვადგენ."
"კიდევ ერთხელ მინდა ვთქვა, რომ ვოლკანოვსკისთან განმეორებით ბრძოლაზე არ მაქვს პრობლემა - თუ UFC იტყვის, რომ ეს ესპანეთში უნდა მოხდეს, თანახმა ვარ. რატომ მინდა მაკგრეგორთან შეხვედრა? ის MMA-ს ბოლო ფურცელია და მინდა წარსულში დავტოვო".
