"ჩემი მიზანი არის UFC-ში მოხვედრა და საჩემპიონო ქამრის დასაკუთრება. ამისთვის დაახლოებით ორი წელი დამჭირდება. როდის გახდება ჩემპიონი ილია? როდესაც ქამრის მფლობელს შეხვდება. ჩემი ძმა აუცილებლად მოუგებს იმდროისთვის არსებულ ჩემპიონს", - განაცხადა ალექსანდრემ.
როგორც ვხედავთ, თოფურია-უფროსის წინასწარმეტყველება ახდა - ის UFC-შია, თანაც მის ანგარიშზე უკვე ერთი გამარჯვება არის. "ელ მატადორმა" კი დაამხო ალექს ვოლკანოვსკის ჰეგემონია და ქვემსუბუქი დივიზიონის საჩემპიონო ქამარი დაისაკუთრა. თოფურია-უმცროსმა მოგვიანებით მაქს ჰოლოუეისაც მოუგო.
