მსოფლიოს ჩემპიონატის საგზურის მფლობელები ორმატჩიანი დაპირისპირების შედეგებით გამოვლინდებიან. ჩვენი გუნდი თბილისში პირველ მატჩს 8 ან 9 მაისს ჩაატარებს, ხოლო მეორე შეხვედრა ავსტრიაში 11 ან 12 მაისს გაიმართება.
მსოფლიოს ჩემპიონატს 2025 წლის 14 იანვრიდან 2 თებერვლამდე ნორვეგია, დანია და ხორვატია უმასპინძლებენ.
შეგახსენებთ, საქართველოს ხელბურთელთა ნაკრებმა ჩვენი ქვეყნის ისტორიაში წელს პირველად ითამაშა ევროპის ჩემპიონატზე და ჯგუფურ ეტაპზე ერთი მატჩის მოგება (ბოსნია-ჰერცეგოვინასთან) შეძლო.
