სანახაობრივი სტილით მიშელს UFC-ში უკვე ზედიზედ 8 გამარჯვება დაუგროვდა. ამ უიქენდზე ენტონი ერნანდესის მოგებათა სერიის დასრულებას შეეცდება. სატიტულო ორთაბრძოლის საგზური ზედიზედ 8-გამარჯვებიან სერიაზე მყოფ არაერთ მებრძოლს მოუპოვებია, თუმცა მიშელი ამისგან ჯერ საკმაოდ შორსაა. მიზეზი მარტივია, მას ჯერ ტოპ სახელები არ დაუმარცხებია, თუმცა, ერნანდესი შესანიშნავი დასაწყისი იქნება.
თავის მხრივ, ენტონი ერნანდესიც ფენომენალური მებრძოლია. ცხადია, ათლეტი, რომელიც MMA-ის საუკეთესო ორგანიზაციაში 5-მოგებიან სერიაზეა ცუდი ვერანაირად ვერ იქნება, თუმცა, ვფიქრობ, რომ პერეირასა და ერნანდესის დონეებს შორის დიდი სხვაობაა. ერნანდესი UFC-ში დომინანტ გრეპლერად მოვიდა, დგომში კი დიდი მინუსები აქვს. კევინ ჰოლანდმა და რომან კოპილოვმა მოახერხეს, რომ მისთვის ტანში დიდი ზიანი მიეყენებინათ. „თრეილბლეიზერმა" ერნენდესი საერთოდ 40 წამში დაანოკაუტა. ჰოლანდთან წაგება, ცხადია, კარიერაში დიდ ლაქას არ ტოვებს, თუმცა, ჭიდაობაში მისი სისუსტეები ცნობილია. ამ ყველაფრის ვერ გამოყენება ერნანდესს აქტივში არ ეწერება.
ჩემი აზრით, პერეირა ზედმეტად ძლიერია არამხოლოდ ერნანდესისთვის, არამედ საშუალო წონის ნებისმიერი მებრძოლისთვის. უხერხული ტექნიკა მას ძალიან სახიფათო და არაპროგნოზირებად მებრძოლად აქცევს. სწორედ ამიტომ ამ დაპირისპირებაში მისკენ ვიხრები.
რობ ფონტი VS. კაილერ ფილიპსი
ჩარლზ ჯონსონი VS. სამუდაერჯი
სამუდაერჯი უმაგრესი სტრაიკერია. დგომში ის ერთ-ერთი ყველაზე სახიფათოა. ტიბეტელი თავისი კიდურების სიგრძეს ძალიან ეფექტურად იყენებს, მაგრამ მისი ჭიდაობა ძალიან სუსტია. თავის მხრივ, არც ჯონსონია გამორჩეული მოჭიდავე, რეალურად, ის საშუალო დონის მებრძოლია, თუმცა ჭიდაობა სუმადაერჯიზე უკეთესი აქვს.
რობ ფონტი VS. კაილერ ფილიპსი
ამავე ქარდზე საკმაოდ დიდი ინტერესი გამოიწვია რობ ფონტისა და კაილერ ფილიპსის დაპირისპირებამ. ეს ბრძოლა ქო-მეინ ივენთი იქნება, კაილერ ფილიპსს კი სერიოზული გამოცდის ჩაბარება მოუწევს. რობ ფონტმა ბოლო ხუთი ბრძოლიდან ოთხი დათმო, თუმცა, აუცილებლად გასათვალისწინებელია მისი მეტოქეების სტატუსი. ჟოზე ალდოსთან დგომში ბრძოლა თითქმის ყველა ძალიან ძვირად უჯდება. „რიოს მეფესთან" დგომში გაცვლებს დღესაც ერიდებიან. ფონტმა მარლონ ვერასთან ზიანის ხარჯზე წააგო, ვერამ კი დამსახურებული გამარჯვება მოიპოვა, თუმცა რაოდენობისა და ტექნიკის მხრივ ფონტი მაინც კარგად გამოიყურებდა. რაუნდის 4 წუთს თითქოს ჩიტოზე უკეთ ატარებდა, თუმცა, ეკვადორელი ბოლო ერთ წუთში აქტიურდებოდა და ფონტს იმდენად ეფექტურ და დამაზიანებელ დარტყმებს აყენებდა, რომ რაუნდსაც იგებდა. ალდოსა და ვერასთან მარცხის შემდეგ რობმა ადრიან იანესი, უმაგრესი პროსპექტი პირველივე რაუნდში ფენომენალური კრივის წყალობით დააფინიშა.
ამ გამარჯვებას კიდევ ორი გამორჩეულ სტრაიკერთან - კორი სენდჰეგენსა და დეივესონ ფიგეირედოსთან დამარცხდა. რობიც სტრაიკერია, რომელსაც ძალიან მაგარი ხელები აქვს, ამასთან ჭიდაობის ისეთი უნარებიც, რომ მისი პარტერში გადაყვანა და დაჩაგვრა ძალიან რთულია. არ მგონია, რომ ფილიპსს ფონტის დასამარცხებლად საკმარისი გამოცდილება და ჭიდაობის უნარები ჰქონდეს. ძალიან მიკვირს, რომ ისეთი რეზიუმეს მქონდე მებრძოლი, როგორიც ფონტია, ბუკმეიკერთა თვალში განწირულად მოჩანს, არადა ვფიქრობ, რომ ფონტმა ეს ბრძოლა შეიძლება ნოკაუტითაც კი მოიგოს.
ჩარლზ ჯონსონი VS. სამუდაერჯი
სამუდაერჯი უმაგრესი სტრაიკერია. დგომში ის ერთ-ერთი ყველაზე სახიფათოა. ტიბეტელი თავისი კიდურების სიგრძეს ძალიან ეფექტურად იყენებს, მაგრამ მისი ჭიდაობა ძალიან სუსტია. თავის მხრივ, არც ჯონსონია გამორჩეული მოჭიდავე, რეალურად, ის საშუალო დონის მებრძოლია, თუმცა ჭიდაობა სუმადაერჯიზე უკეთესი აქვს.
ამ დაპირისპირებაში უპიარეტესობას ჩინელს ვანიჭებ. სავარაუდოდ, ბრძოლის დრამატურგიაც საკმაოდ პრიმიტიულად განვითარდება. როგორც წესი, სუმადაერჯისთან ნებისმიერი მებრძოლი ჭიდაობას ცდილობს, ჩინელის ამოცანა კი დაპირისპირების დგომში დატოვებაა.
ოსტენ ლეინი VS. რობელის დესპეინი
რობელის დესპეინი UFC-ში ერთ-ერთი ყველაზე მძიმე ხელების პატრონი მძიმეწონოსანია. ის ტაეკვონდოს ოსტატია, ოსტენი კი მისთვის მშვენიერი მეტოქეა. ლეინს UFC-ში ორი ბრძოლა აქვს გამართული და ორივეგან ნოკაუტით დამარცხდა. UFC-ში კუბელსაც ორი ბრძოლა აქვს გამართული, თუმცა MMA-ში ჯერ კიდევ ახალი გადმოსულია. მისი ბალანსი 5-1-ზეა — საწყისი ხუთი ბრძოლა ნოკაუტით მოიგო, სულ ბოლოს კი უალდო კორტეს-აკოსტასთან მსაჯთა ერთსულოვანი გადაწყვეტილებით დამარცხდა. ვფიქრობ, ამ ივენთზე კუბელი მეექვსე ნოკაუტს აიღებს.
რობელის დესპეინი UFC-ში ერთ-ერთი ყველაზე მძიმე ხელების პატრონი მძიმეწონოსანია. ის ტაეკვონდოს ოსტატია, ოსტენი კი მისთვის მშვენიერი მეტოქეა. ლეინს UFC-ში ორი ბრძოლა აქვს გამართული და ორივეგან ნოკაუტით დამარცხდა. UFC-ში კუბელსაც ორი ბრძოლა აქვს გამართული, თუმცა MMA-ში ჯერ კიდევ ახალი გადმოსულია. მისი ბალანსი 5-1-ზეა — საწყისი ხუთი ბრძოლა ნოკაუტით მოიგო, სულ ბოლოს კი უალდო კორტეს-აკოსტასთან მსაჯთა ერთსულოვანი გადაწყვეტილებით დამარცხდა. ვფიქრობ, ამ ივენთზე კუბელი მეექვსე ნოკაუტს აიღებს.
ავტორი: საბა სოზაშვილი
