ცნობილი გახდა, თუ როდის გამართავს შემდეგ ბრძოლას რომან დოლიძე და ვინ იქნება მისი მოწინააღმდეგე. 10 აგვისტო, ნევადა, UFC Apex - ქართველი მებრძოლის მეტოქე ენტონი ერნანდესი იქნება. შეგახსენებთ, რომ გასულ თვეში მარვინ ვეტორისთან რევანშის აღების შემდეგ, "კავკასიელმა" შემდეგი ჩხუბისთვის მზადყოფნა გამოთქვა.
36 წლის მებრძოლს სურდა ისეთი მოწინააღმდეგე, რომელიც რეიტინგში მასზე წინ იქნებოდა, თავად ის ამ მომენტისთვის მეცხრე ადგილს იკავებს. დოლიძემ მსგავსი დახასიათების მქონე მეტოქე ვერ მიიღო, ამერიკელი ამჟამად მე-9 პოზიციაზე არის. რაც შეეხება მის შედეგს: 17 ჩხუბი, 14 მოგება, 2 წაგება.
აღსანიშნავია ისიც, რომ "ფლაფიმ" უკანასკნელი შვიდი ბრძოლიდან ყველაში გამარჯვება მოიპოვა. საინტერესოა ისიც, რომ 2020 წელს მან წააგო კევინ ჰოლანდთან, რომელსაც ქართველმა მებრძოლმა გასულ წელს მოუგო.
