MMA-ს პრომოუტერმა, კამილ გაჯიევმა მერაბ დვალიშვილზე ისაუბრა. მისი თქმით, მიზეზი, რის გამოც სუპერმსუბუქი დივიზიონის ყოფილი ჩემპიონი ჩხუბობს ასე ხშირად, ფულს ეხება. შეგახსენებთ, ქართველმა მებრძოლმა 2025-ში ქამარი 3-ჯერ დაიცვა, მე-4 მცდელობაზე კი პიოტრ იანთან წააგო.
"დვალიშვილი უბრალო ქართული ოჯახიდან არის. კარიერის დასრულებიდან ორ - სამ წელიწადში მასზე აღარავინ იზრუნებს, ამიტომ, მერაბი ასე ხშირად ფულისთვის ჩხუბობს. ეს ყველასთვის გასაგები და ლოგიკური მიზეზია. ამ საკითხში მას 30 წელს გადაცილებული ნებისმიერი მამაკაცი გაუგებს."
შეგახსენებთ, რომ რუს მოწინააღმდეგესთან დამარცხებამდე, ქართველმა ყოფილმა ჩემპიონმა UFC-ში ზედიზედ 14 გამარჯვება მოიპოვა. "მანქანას" სხვადასხვა დროს მოუგია ჟოზე ალდოსთან, ჰენრი სეხუდოსთან, შონ ო'მალისთან (2-ჯერ) და პიოტრ იანთანაც.
