ალექსანდრე თოფურიას შემდეგი ბრძოლის გამართვის თარიღი და მოწინააღმდეგე ცნობილია. 22 ნოემბერი, კატარში გასამართი ღონისძიება - ქართველი მებრძოლის მეტოქე ბეკზატ ალმახანი იქნება. რა ვიცით მის შესახებ? აღნიშნული მებრძოლის ანგარიშზე არის 14 ჩხუბი, 12 მოგება და 2 წაგება.
უშუალოდ UFC-ში ყაზახმა მებრძოლმა ჩაატარა ორი ბრძოლა, პირველში დამარცხდა, მეორეში კი იმარჯვა. აღსანიშნავია, რომ მისი სადებიუტო მეტოქე მსოფლიოს მთავარ პრომოუშენში 2024 წლის მარტში იყო უმარ ნურმაგომედოვი, რომელთანაც მან მსაჯთა ერთსულოვანი გადაწყვეტილებით წააგო.
ერთი წლის შემდეგ, "თურანელმა მეომარმა" ბრედ კატონა ტექნიკური ნოკაუტით დაამარცხა. ზოგადად, მისი ძლიერი მხარე არის სწორედ ნოკაუტით მოგებები, 10 ჩხუბი 27 წლის მებრძოლმა სწორედ ასე მოიგო. აქვე დავამატებთ, რომ ეს იქნება მსოფლიოს მთავარი პრომოუშენის კატარში გამართული პირველი ივენთი.
