როგორც მოგეხსენებათ, ილია თოფურიამ Marca-ს ლეგენდის ჯილდო მიიღო. ეს არის პრიზი, რომელსაც ესპანური გამოცემა ისტორიაში საუკეთესო სპორტსმენებს გადასცემს. Marca-მ აღნიშნულ ინიციატივას საფუძველი ჩაუყარა 1997-ში, პირველებმა კი ეს პრიზი ედსონ არანტეს დო ნასიმენტო პელემ და მაიკლ ჯორდანმა მიიღეს.
1999 წელს, Marca-მ დააჯილდოვა ფეხბურთის შემდეგი ლეგენდები - ალფრედო დი სტეფანო, იოჰან კრუიფი და დიეგო მარადონა. ცხადია, ფეხბურთის გარდა, ესპანური გამოცემა სპორტის სხვა სახეობების წარმომადგენლებსაც აჯილდოვებდა. 21-ე საუკუნის დადგომასთან ერთად, პრიზი მიხაელ შუმახერს გადაეცა.
დავუბრუნდეთ ლეგენდის ჯილდოს მქონე ფეხბურთელებს - პაკო ხენტო, ლუის არაგონესი, პაოლო მალდინი, ზინედინ ზიდანი, რაულ გონსალესი, რიკარდო კაკა, ლიონელ მესი - აღნიშნულმა ფეხბურთელემა ესპანური გამოცემის პრიზი 21-ე საუკუნის პირველ დეკადაში მიიღეს.
2010-იანები - ლუის სუარეს მირამონტესი, ფრანც ბეკენბაუერი, ვისენტე დელ ბოსკე, ფაბიო კაპელო, უგო სანჩესი, პიერლუიჯი კოლინა, ფერნანდო იერო, რონალდო ნაზარიო, რონალდინიო გაუჩო, ჩავი ერნანდესი, ანდრეს ინიესტა, ფერნანდო ტორესი, კრიშტიანუ რონალდუ, ქარიმ ბენზემა, ლუკა მოდრიჩი და სხვები.
Marca-ს ლეგენდის ჯილდო სხვადასხვა დროს ასევე მიუღიათ მუჰამედ ალის, ქარიმ აბდულ-ჯაბარს, ნიკი ლაუდას, როჯერ ფედერერს, რაფაელ ნადალს, ნოვაკ ჯოკოვიჩს, უსეინ ბოლტს, პაუ გასოლს, მაიკლ ფელპსს, ვალენტინო როსისა და სხვებს - ჯამში დაჯილდოებულია 80 სპორტსმენი.
დავუბრუნდეთ ქართველ მებრძოლს, ვინც გახდა MMA-ს პირველი წარმომადგენელი Marca-ს ლეგენდის ჯილდოთი. შეგახსენებთ, რომ 2025 წელი "მატადორმა" დააგვირგვინა UFC-ის ორ დივიზიონში ჩემპიონობით: 66 კილოგრამში ტრიუმფის შემდეგ, ქამარს ის მსუბუქ წონაშიც დაეუფლა.
