11 აპრილს ვალენსიაში ილია თოფურიას ორგანიზაციის, WOW-ის მორიგი ივენთი გაიმართება. ღონისძიებაზე საქართველოდან 19 წლის კახა კორთხონჯია იასპარეზებს. ახალგაზრდა დაუმარცხებელი მებრძოლისთვის ეს პროფესიულ დონეზე მესამე ბრძოლა იქნება.
სამზადისისა და კარიერული გეგმების შესახებ კკახა კორთხონჯია LaGazzetta.ge-სთან ინტერვიუში ისაუბრა.
- როდის დაინტერესდით შერეული ორთაბრძოლებით?
- შერეული ორთაბრძოლებით 13 წლის ვიყავი როცა დავინტერესდი, დავიწყე ვარჯიში და როგორც შედეგ განვითარებულმა მოვლენებმა დამარწმუნა სწორი არჩევანი გავაკეთე. ამ დრომდე ჩატარებული მაქვს 12 სამოყვარულო და 2 პროფესიონალური ორთაბრძოლა, ყველა ბრძოლა გამარჯვებით დავასრულე, საკმაოდ დიდი გამოცდილება მივიღე და წინ უფრო დიდი მიზნებისკენ მივიწევ.
- 11 აპრილს, ილია თოფურიას ორგანიზაციაში, WOW-ში იასპარეზებ, როგორ ფორმაში ხარ, როგორ მიმდინარეობს მომავალი ბრძოლისთვის სამზადისი?
-საუკეთესო ფორმაში ვარ, რაც აქამდე ვყოფილვარ. მომზადება ჩემს გუნდში ჩემპიონთა აკადემიაში გავიარე ჩემს მწვრთნელთან ლევან შაიშმელაშვილთან და ჩემს გუნდელებთან ერთად. ყველაფერი გავაკეთეთ იმისთვის რომ გამარჯვება ვიზეიმოთ.
- მეტოქეზე რას გვეტყვი?
- მეტოქე უელსელი გამოცდილი მებრძოლია. გამოირჩევა ჭიდაობის სტილით, თუმცა მისი ძლიერი მხარეები ჩემთვის არანაირ პრობლემას არ წარმოადგენს.
რას ნიშნავს შენთვის WOW-ში მოხვედრა?
- WOW-ში მოხვედრა ჩემთვის დიდი გზაა წარმატებისკენ ჩემი მთავარი მიზნისკენ მიმავალი გზაა და ამ ყველაფერს ჩემს სასარგებლოდ გამოვიყენებ.
- ბრძოლების წინ როგორ იქმნი მოტივაციას, რა გეხმარება?
- ბრძოლის წინ მოტივაციას ჩემი განვლილი გზა მაძლევს, ამდენი შრომა და წვალება რომ დავუფასო საკუთარ თავს.
- კარიერის მთავარი მიზანი ..
- კარიერის მთავარი მიზანი UFC-ს ჩემპიონობაა.
- რას ეტყვი გულშემატკივარს, რას ელოდონ შენგან?
- გულშემატკივარს პირველ რიგში ვეტყვი მადლობას გამხნევებისა და მოტივაციისთვის. ძალიან დიდი ძალა ხართ, ჩემგან მხოლოდ გამარჯვებას უნდა ელოდოთ, რადგან მე ამისთვის ყოველდღე მაქსიმალურად ვიხარჯები.
