რამდენიმე წუთის წინ სამშობლოში დაბრუნდა UFC-ს სამგზის ჩემპიონი მერაბ დვალიშვილი. მებრძოლს თბილისის საერთაშორისო აეროპორტში ოჯახის წევრები, მეგობრები, გულშემატკივრები და მედიის წარმომადგენლები დახვდნენ.
მერაბ დვალიშვილი საქართველოში მწვრთნელთან და MMA ინფლუენსერ ნინა დრამასთან ერთად ჩამოვიდა. ქართველი მებრძოლი რიყის პარკში გადაინაცვლებს, სადაც გულშემატკივრებს შეხვდება.
შეგახსენებთ, 8 ივნისს ნიუ ჯერსიში, UFC 316-ზე, სუპერმსუბუქი წონით კატეგორიაში მერაბ დვალიშვილმა შონ ომალი მესამე რაუნდში მახრჩობელა ილეთით დაამარცხა და საჩემპიონო ქამარი მეორედ დაიცვა.
ქართველმა "მანქანამ" UFC-ში ზედიზედ მე-13, ხოლო MMA-ის კარიერაში მე-20 ბრძოლა მოიგო. ამ გამარჯვებით დვალიშვილი პირველი ქართველი UFC-ის მებრძოლია, რომელმაც ქამარი ორჯერ დაიცვა.
ჩემპიონ მერაბ დვალიშვილს გამარჯვება პირადად მიულოცა ამერიკის პრეზიდენტმა, დონალდ ტრამპმა, რომელიც ბრძოლას დაესწრო.
ფოტო: ლევან მაისურაძე
