"წლების წინ არც კი იცოდნენ, რომ საქართველო ქვეყანა იყო, თებერვალში კი UFC-ის ოქტაგონზე 3 ქართველი იბრძოლებს: ერთი ღონისძიების მთავარ ბრძოლაში მიიღებს მონაწილეობა, მეორე ქამრის ნომერ პირველი პრეტენდენტობისთვის იბრძოლებს, ხოლო მესამე ოქტაგონზე ტიტულის მოსაგებად გავა! ეს ძალიან მაგარია! საქართველოს არის ქვეყანა!" - დაწერა სოციალურ ქსელში გიგა ჭიკაძემ.
შეგახსენებთ, რომ 4 თებერვალს ღონისძიების მთავარ ბრძოლაში რომან დოლიძე ნასურდინ იმავოვს ეჩხუბება. 18 თებერვალს კი ქამრის მთავარი პრეტენდენტისთვის მერაბ დვალიშვილი ჰენრი სეხუდოს შეხვდება, ხოლო ილია თოფურია ალექსანდრ ვოლკანოვსკის საჩემპიონო ბრძოლაში დაუპირისპირდება.
გიგა ჭიკაძეს MMA-ში 18 ორთაბრძოლა აქვს გამართული, საიდანაც 15 მოიგო - ქართველი ნინძა UFC-ის ქვემსუბუქი წონის რეიტინგში მე-9 პოზიციას იკავებს.
