MAX FIGHT-ის 2026 წლის პირველი ღონისძიება “ოლიმპიურ სასახლეში” გაიმართა.
ორგანიზაციამ რიგით მე-14 ღონისძიება ჩაატარა. ბრძოლებში მონაწილეობა კიკბოქსინგის, MMA-ს და გრეპლინგის მებრძოლებმა მიიღეს.
ივენთის საწყისი 3 დაპირისპირება გრეპლინგში გაიმართა, 25 წლის გაბრიელ ბარამიამ ამერიკელ ბრაისონ უესლი ქულებით მოუგო, ნიკა მუშკუდიანმა მაქსიმ სოროკა მსაჯების გადაწყვეტილებით დაამარცხა, ხამიდ აზიმოვმა დაძაბულ ორთაბრძოლაში ამიკო სვიმონიშვილს სძლია.
გრეპლინგის შემდეგ ოქტაგონზე კიკბოქინგის დრო დადგა, სადაც ამირან ნაჭყებიამ ფირუდინ ტანრივერდიევთან გაიმარჯვა.
შერეული საბრძოლო ხელოვნების ქვესაშუალო წონის დაპირისპირებაში აზერბაიჯანელმა ალიმ მუსტაფაევმა ულუბეკ ნიკაშევი პირველ რაუნდში მტკივნეული ილეთით დაამარცხა.
გიგა ხუფაცარიამ სამრაუნდიან დაპირისპირებაში გამოცდილი ედუარდ კატალინს სძლია.
საბა სოზაშვილმა უზბეკი მოწინააღმდეგე სარდორ ოჩილოვი პირველივე რაუნდის საბმიშენით დაამარცხა.
საშუალო წონის დაპირისპირებაში ოდილხან კამოლოვმა უკრაინელი სტანისლავ შაბოლტასი პირველი რაუნდის საბმიშენით დაამარცხა.
პირველივე რაუნდში მარიამ ტორჩინავამ აზებაიჯანელ პარისა ჯაფარს ტექნიკური ნოკაუტით მოუგო. ნიკა პაპავამ მემედალიევს სძლია.
გიორგი ქართველიშვილის წაუგებელი სერია გრძელდება. გიორგიმ უკრაინელი ვლადის ჩეპანსკი პირველივე რაუნდის საბმიშენით დაამარცხა.
Max Fight League-ის მე-14 ღონისძიების მთავარ ბრძოლაში ბათუმელმა რუსლან ბოლქვაძემ ირანელი მოჰსენ ბაღი მე-3 რაუნდში, საბმიშენით დაამარცხა.
