თბილისში მიმდინარე გრნად სლემზე დღეს ლუკა მაისურაძემ (-90 კგ.) ოქროს მედალი მოიპოვა.
გამარჯვების შესახებ, ძიუდოისტმა LaGazzetta.ge-სთან ისაუბრა:
“დღეს ძალიან რთული დღეა, ჩვენი ქვეყანა დამწუხრებულია პატრიარქის გარდაცვალების გამო ვგლოვობთ. დღეს უწმინდესის დაკრძალვის დღეა, ეს გამარჯვება მის ხსოვნას ეძღვნება. მარადიული ხსოვნა პატრიარქს.
როგორც საქართველოსთვის წელს ეს პირველი ოქროა თბილისის გრანდ სლემზე, ასევე ჩემთვის არის პირველი ოქრო გრანდ სლემების ტურნირზე.
რაც შეეხება დღევანდელ საშეჯიბრო დღეს, ჩემ შეცდომებზე ვიმუშავე, ბევრი რამ შევცვალე, რაც ჭიდაობის ხარისხს დაეტყო და ბევრად უკეთესი ვიყავი. გაამართლა, ოქრო ავიღე, სწორ გზაზე ვარ და ასე გავაგრძელებ.”
-90 კგ. წონით კატეგორიაში ბრუნჯაოს მედალი ლუკა ჯავახიშვილმა მოიპოვა. დაჯილდოების ცერემონიაზე ლუკა მაისურაძე და ლუკა ჯავახიშვილი შავი ლენტებით წარდგნენ.
