ამერიკულმა საერთაშორისო მულტიპლატფორმულმა მედიამ, ESPN-მა მიმდინარე წლის პირველი ნახევარი შეაჯამა. შერეულ ორთაბრძოლებში საუკეთესოდ UFC-ის ქართველი ჩემპიონი მერაბ დვალიშვილი დასახელდა, რომელმაც ბოლო 6 თვეში ტიტული ორჯერ დაიცვა.
გამოკითხვის შედეგად, ქართველები ლიდერობდნენ. მერაბ დვალმა და ილია თოფურიამ ხმების თანაბარი რაოდენობა დააგროვეს.
"ნახევარი წლის საუკეთესო მებრძოლი , - დვალიშვილი და თოფურია ამ კატეგორიის სათავეში იყვნენ, მათ ხმების 46.2% მიიღეს. საოცარი შედეგია, ორივე მებრძოლი ქართველია და ისინი მეგობრები არიან. საბოლოოდ, დვალიშვილმა ESPN-სგან მცირედი აღიარება მოიპოვა, ექვს თვეში ორჯერ დაიცვა ტიტული, თოფურიამ ერთხელ, მას ერთი ბრძოლა ჰქონდა. მერაბ დვალიშვილმა უმარ ნურმაგომედოვი იანვარში UFC 311-ზე დაამარცხა და ათწლიანი პროფესიული კარიერის განმავლობაში უმარისთვის ეს პირველი წაგება იყო, რაც თავისთავად მნიშვნელოვანი მიღწევაა. მერაბი ამ გამარჯვებამ და დომინანტურმა ასპარეზობამ ივნისში UFC 316-ზე შონ ო'მალისთან რემატჩში, ESPN-ის ყველა წონის გაერთიანებულ რეიტინგში რეიტინგში მესამე ადგილზე აიყვანა.
დვალიშვილი უკვე ელოდება წლის მესამე ტიტულის დაცვის თარიღსკორი სანდჰაგენთან. თოფურია, სავარაუდოდ, წლის ბოლოსთვის დაგეგმავს ტიტულის დასაცავ ბრძოლას. ასე რომ, ნუ გაგიკვირდებათ, თუ დეკემბერში იმავე დებატს დავუბრუნდებით - წლის საუკეთესო მებრძოლისთვის," - აღნიშნულიაESPN-ის სტატიაში. ამერიკულმა მედიაჰოლდინგმა საუკეთესოები სხვადასხვა ნომინაციაში გამოავლინა, საუკეთესო ღონისძიებად UFC 317 დასახელდა, სადაც მთავარ ბრძოლაშიც ილია თოფურიამ ჩარლზ ოლივეირა დაამარცხა და მსუბუქი დივიზიონის ჩემპიონის ქამარს დაეუფლა.
