UFC-ის წლის უკანასკნელი ივენთის წინ, კომენტარი გააკეთა გიგა ჭიკაძის მოწინააღმდეგემ, კევინ ვალეხოსმა. შეგახსენებთ, რომ აღნიშნული ჩხუბი გაიმართება 14 დეკემბერს, ჩვენი დროით დაახლოებით 07:00 საათიდან.
"ბრძოლას მოუთმენლად ველი. ჭიკაძე ამ სპორტის ლეგენდაა და ცხადია, მასთან ჩხუბი დიდი ზეწოლაა, თუმცა გამარჯვებისთვის მზად ვარ. გიგას მუქარა? არ მგონია ასე ფიქრობდეს რეალურად, მაგრამ რომც ფიქრობდეს, ასე მირჩევნია, ჯობია სათანადოდ არ დამაფასოს და მე ეს გამოვიყენო.
ქართველი მებრძოლის სტილი მომწონს. ვფიქრობ, ეს სწორედ სტილების ბრძოლა იქნება. კიკბოქსერს, რომელსაც უყვარს ფეხებით ჩხუბი, კრივი უნდა დაუპირისპირო. ჩემი აზრით, ასწორედ ასეთი სცენარით წარიმართება ჩხუბი, ეს ერთგვარი სტილების ბრძოლა იქნება.
ვფიქრობ, "ნინძა" პირველივე რაუნდში ეცდება ჩემს დანოკაუტებას და მე ამისთვის მზად ვარ. ის იბრძოლებს აგრესიულად, რისთვისაც ასევე მზად ვარ. ჩემსთვის ეს ყველაფერი დიდი გამოწვევაა. "
