UFC-ის უმსუბუქესი დივიზიონის ყოფილმა ჩემპიონმა, დემეტრიუს ჯონსონმა დაასახელა მებრძოლი, ვისაც მისი აზრით, ილია თოფურიასთან მოგება შეუძლია. ამერიკელი ვეტერანის თქმით, ასეთი მებრძოლი არმან ცარუკიანი არის.
"ცარუკიანს აქვს საკმარისი ათლეტური შესაძლებლობები და მენტალიტეტი, იმისთვის, რომ თოფურია დაამარცხოს. მას უნდა ებრძოლა დროებით ქამარზე გეიჯის ან პიმბლეტის ნაცვლად, მაგრამ შანსი არ მისცეს. ვფიქრობ, შემდეგი სატიტულო ჩხუბი მისი მონაწილეობით უნდა იყოს.
ვგულისხმობ ჯასტინისა და ილიას ბრძოლას, რომლის გამარჯვებულიც აუცილებლად არმანს უნდა შეხვდეს. მსუბუქ წონით დივიზიონში მატადორთან მოგების ყველაზე კარგი შანსი სწორედ მას აქვს."
