კორი სენდჰეგენის დამარცხების შემდეგ, მერაბ დვალიშვილმა დაასახელა მოწინააღმდეგე, რომელთან ერთადაც მას მომავალში ბრძოლის სურვილი აქვს. ქართველი ჩემპიონისთვის ასეთი მეტოქე არის პიოტრ იანი, რომელიც წარსულში მას უკვე დაუმარცხებია.
"იანი კარგად გამოიყურებოდა. ის მზადაა. სულ ვამბობ - მინდა ვიყო აქტიური. თუ არის დარჩენილი ადგილი დეკემბერში, ძალიან მინდა მალევე ჩხუბი. თუ ეს ვერ მოხერხდა, გავაგრძელებ განვითარებას და ვიღაცისთვის კიდევ უფრო დიდი პრობლემა ვიქნები", - განაცხადა "მანქანამ".
შეგახსენებთ, რომ 34 წლის ჩემპიონი გახდა მეშვიდე მებრძოლი UFC-ის ისტორიაში საჩემპიონო ქამრის სამჯერ დაცვით ერთ წელიწადში, ტიტო ორტისის, მეტ ჰიუზის, ჩაკ ლიდელის, დემეტრიუს ჯონსონის, კამარუ უსმანისა და ალექს პერეირას შემდეგ.
