UFC 324-ის მთავარ ბრძოლაში შედგა ჯასტინ გეიჯისა და პედი პიმბლეტის დაპირისპირება მსუბუქი წონითი დივიზიონის დროებითი ქამრისთვის. ჩხუბი მსაჯთა ერთსულოვანი გადაწყვეტილებითა და ძალიან დიდი უპირატესობით ვეტერანმა ამერიკელმა მებრძოლმა მოიგო.
"ჰაილაითი" გახდა მსუბუქი წონითი დივიზიონის დროებითი ჩემპიონი, რაც ნიშნავს იმას, რომ ის დაუპირისპირდება მუდმივ ჩემპიონს, ილია თოფურიას. აღნიშნული ჩხუბი დიდ ალბათობით გაზაფხულის მეორე ნახევარში ან ზაფხულის დასაწყისში შედგება. რაც შეეხება 324-ე ღონისძიების სხვა ჩხუბებს, შონ ო'მალიმ მოუგო სონგ იადონგს, უმარ ნურმაგომედოვმა კი დეივისონ ფიგერედოს.
