მედია დღის ფარგლებში პიოტრ იანმა მერაბ დვალიშვილთან მოახლოებულ ბრძოლაზე ისაუბრა. შეგახსენებთ, რომ სასწორზე სუპერმსუბუქი წონითი დივიზიონის საჩემპიონო ქამარი დევს. აქვე დავამატებთ, ორი წლის წინ გამართულ ჩხუბში ქართველმა ჩემპიონმა რუს მეტოქეს მსაჯთა გადაწყვეტილებით მოუგო.
"დვალიშვილის მეოთხე ბრძოლა წელს? სახლის უკანა ეზოში ჩხუბი მარტივია. აქ და ლოს-ანჯელესში ის თავს გრძნობს ისე, როგორც საკუთარ სახლში. მეც შემიძლია ჩემი სახლის უკანა ეზოში ყოველ შაბათს ჩხუბი. 2018-ში ვიჩხუბე 5-ჯერ, მაგრამ რუსეთში არცერთი არ ყოფილა.
ასე რომ ყოფილიყო, კიდევ ხუთ ბრძოლას ჩავატარებდი. სამყაროს მეორე ბოლოდან ჩამოვდივარ იმისთვის, რომ მერაბს და სტერლინგს მათ ქალაქში ვეჩხუბო. წარმოიდგინეთ, როგორ არათანაბარ პირობებში ვართ. ყველაფერი ჩემს წინააღმდეგ არის."
