უკანასკნელად, UFC-ის სუპერმსუბუქი დივიზიონის ყოფილმა ჩემპიონმა - შონ ომალიმ, საკუთარ იუთუბ არხზე მორიგი პოდკასტი განათავსა. პოდკასტის მიმდინარეობისას, შონი სხვა, აქტუალურ საკითხებთან ერთად, მერაბის წინააღმდეგ არსებულ, თავის შესაძლებლობებსაც შეეხო. "მანქანამ" ომალი უკვე 2-ჯერ დაამარცხა, თუმცა აშკარაა, რომ ამერიკელი ათლეტი თავდაჯერებას არ კარგავს და საკუთარი თავი კვლავ უკეთეს მებრძოლად მიაჩნია. შონის აზრით იგი ერთადერთია, რომელსაც დვალიშვილის დანოკაუტების უნარი აქვს.
"მძულს ამის თქმა, მაგრამ მე ვარ ერთადერთი, ვისაც მერაბის დამარცხება შეუძლია. თუ მასთან მოგება გინდა, ერთი დარტყმით უნდა დააძინო. გულწრფელად რომ ვთქვა, ჩემი თავის გარდა, ამის შემსრულებელს ვერავის ვხედავ. "
