UFC-ის ქვესაშუალო დივიზიონის ჩემპიონმა, ისლამ მახაჩევმა მერაბ დვალიშვილისა და პიოტრ იანის განვლილი ბრძოლის შესახებ ისაუბრა. დაღესტნელმა ჩემპიონმა განმარტა, თუ რის ხარჯზე მოუგო რუსმა მებრძოლმა თავის ქართველ მეტოქეს და ამის გარდა, მან ტრილოგიის მე-3 ჩხუბზეც გააკეთა კომენტარი.
"დვალიშვილს ჰქონდა საჩემპიონო ქამრის დაცვის მეოთხე მცდელობა ერთ წელიწადში და ის გადაღლილი ჩანდა. იანისთვის ეს იყო გამარჯვების შანსი და მან ეს შესაძლებლობა კარგად გამოიყენა. ის კარგად მოემზადა, დაიმატა დაღესტნელი ბიჭები, იმისთვის რომ ჭიდაობაზე ემუშავა.
ვფიქრობ, პიოტრს მერაბთან მესამე ბრძოლაში კიდევ უფრო გაუადვილდება, რადგან მან უკვე იცის, თუ როგორ შეაჩეროს ის. მეორე ჩხუბმა აჩვენა, რომ მან შეცდომებზე მუშაობის დავალება კარგად შეასრულა."
